1930: Alavesen harrera Kopako txapeldun Athletici

1929-1930 denboraldia Athleticen historiarako gogoangarria zen denboraldia izan zen. Urte horetan liga partida bakar bat galdu gabe irabazi genuen, eta gainera gure historiako lehen bikotea lortu genuen, 1930ko ekainaren 1ean Kopako finalean Real Madrili 3-2 irabazi ostean.

Gabarra aurreko garaiak ziren, eta beraz, omenaldia taldearen autobusa (eta honekin batera zekarren zalez betetako kotxe partikularren jarraigoa) herri ezberdinetan geratzean egiten zitzaion. Bai finala jokatu behar zen tokira joatean eta baita handik itzultzean kotxe-karabana sortzen zen. Irabazten baldin bazen Bizkaiko hainbat herritan gelditzen zen autobusa Bilbon bidaia bukatu arte.

Baian ez bakarrik Bizkaian. 1930ean, finala osteko egunean, ekainaren 2an, lehen omenaldia Haron izan zuten, bazkarian. Gero arratsaldean Gasteizera iritsi ziren, eta han ere harrera beroa zian zuten. Hala ere, nabarmenena da piskolabis-omenaldia, txanpainarekin abtera Deportivo Alavesek antolatu zuela bere egpoitza sozialean,e ta jokalari zein zuzendari babazorroek ere parte ahrtu zutela. Omenaldian, bi taldeetako jokalariek elkarri animo-oihuak bota zizkioten, eta bukatzean, zal gasteiztar batzuk, euren kotxez Athleticen autobusaren jarraigora batu ziren Bilborako bidean.

Bitxikeria moduan esan beharra dago Kopako gol erabakigarria Viktorio Unamunok sartu zuela luzapen denboran. Unamuno Alavesetik fitxatu genuen jokalaria zen, beraz baliteke harrera egin zutenean artean lagun asko eduki izana.

Hona hemen ekainaren 3an La Libertad egunkari errepublikanoak egin zuen kronika.

"El Athletic en Vitoria", 1930-VI-3, 6. or.

OHARRA: 1930 horretan Alavesek Bizkaiko Txapelketa irabazi zuen; orduan klub arabarrek ere jokatzen zuten txapelketa hori Bizkaiko Federazioan zeudelako.